(عشقتها والقلب عاشق ومعشوق)
 

عشقتها والقلب عاشق . ومعشوق
واللي نريده يوم ......... عيا يبينا
واللي يبينا غاب سوقه مع السوق
هذي ظروف العشق ربي ... يعينا
وحظي اللي صار كنه .. بصندوق
ما هو مثل حظ ضاوي .... ودينا
بس يتخلق لين يرمي راع الطوق
مياسة بالبيض تروي .... الخدينا
معلوقها بالبيض يا خير .. معلوق
بيض النوايا والعطوف ... الرزينا
لو شافها ضاوي بكا الدم . بالموق
بدل دموع العين ...... دم الحزينا
كحيلة العينين والقد .... ممشوق
مع مبسم يسحرك سحر .. اللعينا
سحر الذي ما خاف ربه ومطفوق
بس يتلبد للهنوف .......... ويلينا
خداع للزينات يسحرك ... بالذوق
الله يحطه في يدين ...... البدينا
دبدوبة ترميه مع سرحة .. النوق
يبي الفكاك ولا حصل له ... يقينا
يترك لنا الفرصة ناخذ بها حقوق
نلقى ..... مع الزينات عقبه حنينا
هذاك ابو ضاوي غدا لنا .... عوق
شاعر عجيب ودوم يشكي الانينا

القارظ العنزي

هههههههه الله أكبر على شيطانك هذا إللي يلقنك القصايد ...
تبيني أوقع في يد سمينه ليش يا أخي ويش سويت لك ...
هههههههههه ومالها السمينه بالعكس دبدوبه ومزموزه ...
اهم شي تحبني هههههههه ...

صح الله لسانك الوووف وملايين ...
قصيده جميله من شاعر عذب السجايا ...
ابشر تراها مردوده لك هههههههه ...

تسلم يا الغالي كفيت ووفيت وفالك البيرق ...

... لا خلا ولا عدم ...

لاهنت يالضاوي ولا هان منطوقك العذب
الدبدوبة ودها صحن فول جرة صباح مساء
ومندي غداء وكنافة شو ياخوي فاتح لها بوفيه
لا والله من طاح فيها حظه اقشر. نعم ننتظرك
انت ما تنحرك الا باستفزاز من شاعر او من عشق
اليوم ما شاء الله تبارك الله اطربتنا في معلقة السملقة

هههههههههههه صح لسانك ملايين

ما في بعد مزز يا الضاوي

ابيات قوية و متكتكه وميه وميه

ابداااع جميل

ختم ونشر و 500 مشاركه

الذين يشاهدون محتوى الموضوع الآن : 4 ( الأعضاء 1 والزوار 3)

صحة ايامك أروى
الضاوي شيطان
العشق والقاف
من يقدر عليه

ابيات جميلة
سلم البنان
ارق التحايا

يسلم عمرك اوراق
كلك ذوق لاهنت

كلمات جميلة جدا
و فيها بعض الضحك و الفرفشة
صح لسانك و اعتلا شأنك
سلمت اناملك الذهبية يا أستاذ

ههههههه
ليه ليه يافتى عنزه
دوم تحط الحق عالضاوي
عاد هو يحبك ويتمنالك الخير
صحيح نفسي اوقّع بينكم
بس صحبتكم الطيبه وخوتكم المتينه تتغلب علي ماقول بس غيري
صح لسانك شاعرنا العذب
والله يديم المحبه بينكم
ودي واحترامي