جديدي : عشانك جيت يا .. آروى ..
 

هذه القصيده من جديدي الحصري ...

يقول شاعر الآنين ... نجم ضاوي ...



اذا ودك .. تعرف اللي .. يدمر سكة الاحباب
احب اعلمك . . ان التجاهل . . من يدمرها

اذا حبيت شخص اصدق بحبك لاتصير كذاب
ترا الكذبه الصغيره . . تنحسب لا تقول مررها

وفي هذا الزمن ياناس شفت ان الغلا بحساب
يضيع ابن الفقر لاحب . .وتكبر عنده اصغرها

تراني يابشر ضايع .. جريح بوحدتي منصاب
خسرت الاوّله وماريد تجيني وحده وخسرها

انا ودي بها جنبي نكون اصحاب نكون اقراب
نكون احباب .. ونقيم العلاقات . . ونعمّرها

الا يابنت لا جيتك .. طلبتك لا . . تصكي الباب
وحذرا تكسري روحي . . كفايه الوقت كاسرها

وروفي ورفقي بلي . . فؤاده في هواكم . . ذاب
يريد وصالكم ماغير . . لشوفتكم . . يناظرها

اريدك وبتغي وصلك . . ودور للوصال اسباب
انادي واسأل الغيمه . . على دربك وماطرها

وناديها ليا مرت .. من جموع .. الحمام اسراب
لعل الصوت ياصلها . . وترهيلي . . مشاعرها

الا يا الغاليه ياللي . . لك حروف الذايقه تنساب
وتتغنى على مودك . . وتنزل من . . محادرها

ترا يومي طريت اسمك .. بقيفاني الشعر لي طاب
عشانك جيت يا آروى . . حروف الشعر اسطرها

بعد ماشفت انا طيفك كشفتي اللي ورا الجلباب
تغوصي في تفاصيل . . الحروف وفي . . مقابرها

عجبتيني . . وتدري ويش . . هو دافع الاعجاب
لانك تقري الكلمه . . وتدري بقصد . . شاعرها

كأنك في تفاكيري . . تعيشي وقافله . . للباب
كأنه في يدك وصف .. القصيده اللي .. احظرها

كأنك بالوصف غيمه . . تمري والمطر . . سكاب
كأنك بلسم الكلمه . . من العاهات . . يجبرها

تدوري كالغزال اللي . . تدور . . ومِسكها جوّاب
يفوح المسك لامنها . . مشت بقعا . . تعطّرها

عشقتك ايه وحبيتك .. عشق ومحبة .. الاصحاب
ماهو مثل المحبه الي . . بهاليومين . . خابرها

محبه صافي النيه . . محبة حرفك . . الجذاب
محبه صادقه والله . . مدري كيف . . افسرها

تراك انتي اذا حطوك . . جمله من جمل الاعراب
تكوني مبتداً مرفوع . . من اولها . . لـ آخرها

انتي واسمحي ان قلت .. انك للشعر . . محراب
انتي اللي اذا بشكرك . . مدري كيف . . بشكرها


... وسلامتكم ...

بقلمي : اخوكم شاعر الآنين ... نجم ضاوي ...

الله يسلملي شانك و يرفع مقدارك

الغالي شاعرنا نجمنا ضاوي وصاحب منتديات اروى

حروفك هنا ساحره معنى عميقه مغزى

وليست غريبه عن شاعر منتديات اروى

هذا الكم الهائل من الابداع

وحرف مسطر بروعه ودقه

اعجبت جدا بتلك الحروف

ولمعانيها الساحره

يسلمووو

تراك انتي اذا حطوك . . جمله من جمل الاعراب
تكوني مبتداً مرفوع . . من اولها . . لـ آخرها

انتي واسمحي ان قلت .. انك للشعر . . محراب
انتي اللي اذا بشكرك . . مدري كيف . . بشكرها


ختم ونشر + 500 مشاركة

الذين يشاهدون محتوى الموضوع الآن : 23 ( الأعضاء 1 والزوار 22)

الذين يشاهدون محتوى الموضوع الآن : 36 ( الأعضاء 1 والزوار 35)

وصاح الانين يهذي الشوق حنين
يهيم ويرنو للقاء الحبيب
الدوح شادي بليغ المعاني
دمت للحرف نجم يانجم
سلم البنان
ارق التحايا
كنت هنا
اوراق

هلا والله وغلا بصاحبة السياده ...
سعيد جداً بمرورك الراقي وإطرائك العذب ...
شكراً لك وما هذه القصيده إلا غيض من فيض بإذن الله ...
شكراً من كل قلبي على مرور كهذا ...

... لا خلا ولا عدم ...

هلا بك الووف وملايين اخي الغالي : البرنس مديح ...
وها نحن نلتقي بعد غيبه طوله وإن شاء الله لا فراق بعد اليوم ...
اشتقت لك كثيراً والقصائدك ومواضيعك الهادفه والراقيه ...
اسعدني مرورك الراقي وإطرائك العذب ...
شكراً لك ولمرورك العطر ...

... لا خلا ولا عدم ...

هلا والله بالطيب الغالي .... عزيز وشوفتك منوه
حياك ربي وبياك ...
ارحب تراحيب المطر اخوي ... آوراق ...
تو مانور المنتدى وتو ما أضاء متصفحي بطلتك الكريمه وسطورك العظيمه ...
سعيد جداً جداً بمرورك الراقي وإطرائك العذب ...
لا حرمني الله من مرور كهذا ...
شكراً لك يالغالي عدد النجوم ...

... لا خلا ولا عدم ...

الذين يشاهدون محتوى الموضوع الآن : 5 ( الأعضاء 1 والزوار 4)