السلام عليكم عليكم ورحمة الله وبركاته ...

هذي ردي على قصيدة اخي الشاعر الراقي .. القارظ العنزي ..
والذي عنوانها .. الى صاحبً مانشد عني ..
وأتمنى أن يعجبكم وينول على إستحسانكم ...


يقول شاعر الآنين .. نجم ضاوي ..


إي بالله .. يا القارظ . . بقافك دوم .. تطربني
أحس إنه يجر القلب .. للماضي . . وأحبابه


الله يسعدك ربي . . مثل ما إنت . . تسعدني
عسى ربي يجازي من . تجر القاف بأسبابه


الا . يا متعب القيفان .. بأوزانه .. ومتعبني
ترى في أغلب الأحيان . تكون النفس غلابه


عليك الله .. يا القارظ .. كفايه ولا . . تتعبني
كفايه إن الوله يمه . . ياما ارسلت .. اسرابه


ولكن للأسف ناوي . . بنار الود . . يحرقني
أنا روحي غدت منه . . إلى هاليوم منصابه


ترى كل يوم يا القارظ . قلبي عنك ينشدني
يقول الحق ترى خيك غزاه الحب ودق بابه


عسى الله يحفظك ربي من الآهات والغبني
ومن حبً يجيب الهم .. ومن أحباب .. كذابه


وترجع لي مثل أول يا اغلا الناس في عيني
قبل أرحل عن الدنيا . يواري الضاوي ترابه


... وسلامتكم ...

بقلمي : أخوكم شاعر الآنين .. نجم ضاوي ..

حصريه لمنتديات .. آروى الأدبيه ..