الجزء الثاني
وبعدها صار يطمن عليها كل شوي وما أخذ الموضوع غير يوم واحد
بعدها بيوم بس هي طولت بالرد وأول ما فتحت بعتلها وحكالها : وينك طول اليوم مابينتي قلقت عليكي..
حكتله: كنت مشغوله شوي فيه شي يعني.
حكالها: لأ بس خفت عليكي كتير لا تعمليها مرة ثانية..
حكتله : طيب خلص ماشي.
حكالها: طيب الأحسن أعطيني رقم تلفونك لحتى أطمن عليكي أزا ما كنتي أون..
حكتله : خلص مافي داعي لرقم تلفوني.
طبعا هو عصب وحكالها : أنتي ما بتوثقي فيه. أنا ما راح أرن بس راح أبعتلك واتس..
بعد تردد كتير طمنها أنه ماراح يصير شي وهي بالأخير أعطته رقم تلفون لحتى تخلص منه..
وبعدها صار يبعتلها على واتس كل شوي وهي ما كانت تعرف هيك الوضع. وبعدها بأقل من ساعة طلب يرنلها لحتى يسمع صوتها.. كمان رفضت بس من كثر مازن وافقت. ورنلها وحكى معها طبعا الأسلوب واحد عند كل الشباب بأول أتصال شوفوا كيف..
يسلملي هالصوت شو حلو وشو ناعم والله كتير صوتك بجنن، ياترى شكلك حلو متل صوتك، ويسلملي الخجلان بتعرفي أنتي أول وحدة بحكي معها ومافي عندي بنات على الفيس، وكلهم بس أقاربي وشباب صحابي لأنه أنا مابضيف بنات بس أنتي لفتني بروفايلك لهيك بعتلك. وأنا مو مرتبط وما بحب، كنت أحب زمان بس خانتي مع صاحبي، وأنا نفسي ألاقي وحدة زوء متلك تفهمني وتكون مزوئة بالتعامل وصوتها حلو وطبعا ضل يتغزل فيها ويحكي كلام حلو شي ساعة..
يتبع بالجزء القادم تابعوني
مع تحياتي
بقلمي آلاء فهمي