أفداك يا القارظ ومنهو يشناك يفداك ..

السلام عليكم ورحمة الله وبركاته ...

هذا ردي على قصيدة اخي الشاعر .. القارظ العنزي ..
واللتي بعنوان .. قولو لضو الضو ضو الافلاك ..

والمعذره على التقصير إذا كانت القصيده بها أي تقصير ...

يقول شاعر الانين .. نجم ضاوي ..


يا مرحبا ياللي انطرب حين طرياك
يا اللي كتبت ابيات . . عطره وزكيه


ياللي وسط قلبي .. مكانك ومركاك
يا إحساس شاعر .. والمشاعر نديه


لا تشتكي حب في محانيك يصلاك
وحط في القلب .. والمعاليق . كيه


الله أكبر .. شخصاً تحبه . ويجفاك
كيف الحبيب .. يجرح حبيبه كذيه


تستاهل إللي . يالغضي كل ماجاك
ياما نصحتك . . من محبتك .. ذيه


ضيعت في بحر الهوى فين مرساك
بحر الهوى غدار . . وناره . . لضيه


هذي نهاية حب .. غيرك . واغواك
نفس ن تهادى . . والمعابر . . بكيه


أفداك يا القارظ ومنهو يشناك يفداك
وتفداك روح ن .. سببت لك .. أذيه


لولاك طيب .. وطيبات ن .. نواياك
ما كنت .. يا القارظ . تعض الشفيه


لكن بسيطه .. دامت الضاوي وياك
أبشر بعزك . . وانا راعي . . الحميه


... وسلامتكم ...

بقلمي : اخوكم شاعر الآنين .. نجم ضاوي ..

حصريه لمنتديات .. آروى الادبيه ..

اروى ,القارظ العنزي معجبون بهذا

صح السانك فديناك اخوي الغالي نجم ضاوي لاهنت ولا هان منطوقك وقافك ولو العين ما تعلا على الحاجب دمت بخير وصحة وسلامة يارب العالمين

اروى معجب بهذا

حي الله نجمنا ضاوي

وهل بنوره ساحه

هلا وميه هلا

ابيات ساحره شقيه

ابداع وسحر القافيه

التي ليست غريبه من أناملك البهيه

ختم ونشر و 500 مشاركة