جديدي الحصري .. يا هاجسٍ من داخل افكاري وليد ..

السلا عليكم ورحمة الله وبركاته اعزائي اعضاء منتدانا الادبي ...
هذي اول قصيده لي في منتداكم منتدى اروى الادبي ...

واسميتها .. يا هاجسٍ من داخل افكاري وليد ..
وتمنى أن تحوز على رضاكم وإعجابكم ...


يا هاجسٍ من داخل افكاري وليد
طرا على بالي . . وبدّيت .. النظم


يا منتدى أروى .. لفيتك من بعيد
جوادي القيفان . . وسلاحي القلم


لا لا تقول الشعر يا باغي القصيد
الا اذا احكمت . . اوزانه . . حكم


ان كان تبغى الجزل والقاف الفريد
تعال وتعلم . . من اشعار .. النجم


الشعر له ناسه .. وانا منهم . اكيد
ماهو فخر .. لا بالله اتفاخر . نعم


ان جيت أكتب ما اجيب إلا جديد
والهاجس اليا . من زهمته قال تم


والشاعر اللي .. ما يفيد ويستفيد
لاتحسب حسابه .. ترى عده عدم


والبعض لـ منه كتب يعصد عصيد
لو تقعد تعيده .. سنه .. ما ينفهم


الشعر ذاك اللي . كما الغربي يهيد
لـ داعب . احساس المتيم يبتسم


مثل الزهور . تشم عطره من بعيد
من كثر زينه .. ودك تظلك .. تشم


وختامها .. مثل البدايه .. لو تريد
جزل الشعر .. تعال وقرأ .. للنجم


... وسلامتكم ...

اخوكم شاعر الآنين الشاعر .. نجم ضاوي ..

حصريه لمنتدى .. أروى الادبي ..