بريد مهجور

بتفضفض مع مين ؟؟؟
لما بتتضايق وتتخنق وتحس ان جواك شعور حزين عايز تصرخ بس الناس هتقول عليك مجنون
طيب عايز حد أفضفض معاه مين يا تري
اي حد هيسمعني هفضفضله
وييجي اللي هيسمعك وهو واحد من دول
يا اما حد عنده فضول يعرف اي حاجه عن حياتك
يا اما حد بيخزن ليك نقاط لضعفك عشان يستخدمها في الوقت المناسب
يا اما حد عايز يحط كل خبراته ويأكدها معاك انت ويعطيك رأيه من خلال تجربته وبس من خلال الحل الأمثل ليك
تخيل كل دول بتفضفضلهم وانت مخنوق
ولا واحد هيساعدك من دول بالعكس هتخللي المشكله مشكلتين ..واحد مخنوق بيفضفض مع حد مش عارف نيته ليك
وبعدين تقول مش مهم المهم ارتحت وفضفضت وبعدين ؟؟؟
تعالي بقي شوف آثار فضفضتك
الشخص اللي هيعايرك بضعفك
الشخص اللي خد أسرارك طلعها بره
الشخص اللي مصمم تحل مشكلتك زي ما هو حلها اما تبقي شخص عنيد وتستاهل اللي بجرالك
تعالي اقولك الحل السحرى لحل مشكلتك
ليه بقولك امسك ورقه وقلم واكتب مشكلتك
هو بصرف النظر عن الراحه اللي هتلاقيها لما تفرغ كل مشاعرك بالكتابه ..لكن حضرتك بتبعت شكوى رسميه نظميه فهميه للكون كله لحل مشكلتك تخيل ؟
يحصل ايه ؟
الورقه هتقعد تلف في كل أماكن الحلول اللي لا يمكن عقلك يتخيلها ..
تلاقي ماما بتكلمك تقولك كلمتين يريحوك من مشكلتك
تلاقي مديرك في الشغل بيتصل بيك يحللك مشكله الشغل اللي مضايقاك
تلاقي حد بيساعدك اي ان كان من اي اتجاه عشان يمضي ويختم الشكوى اللي حضرتك كتبتها
بس كده ؟ اه بس كده ؟
متنساش تعمل توقيعك اللي تحته خط زي ما علمتكم وتكتب في نهايه الورقه
(قَالَ قَدْ أُوتِيتَ سُؤْلَكَ يَا مُوسَىظ° )
الموضوع سهل مش صعب
جرب وشوف وأعتمد علي نفسك هتلاقي الحل

الاء فهمي معجب بهذا